• Քարահունջ (Զորաց Քարեր). մեգալիթյան համալիր՝ հայտնի որպես Հայաստանի «Սթոունհենջ», թվագրվում է մ.թ.ա. 3-1-ին հազարամյակներով: Կարևոր է ոչ միայն պատմական, այլև աստղագիտական նշանակությամբ:
• Ույծի մեգալիթյան բնակատեղի. (մ.թ.ա. 3-1-ին հազարամյակներ):
• Ուխտասարի ժայռապատկերներ․ 3300 մ բարձրության վրա մեր նախնիների կողմից բազալտե սալաքարերի վրա արված ժայռապատկերներ
• Որոտանի քարերի սիմֆոնիա (Բազալտե սյուներ Որոտան գետի երկայնքով)
• Պորտաքար, ծիսական քար՝ կապված հողի բերրիության, պտղաբերության և մայրության աստծո պաշտանմունքի հետ, գտնվում է 11 կմ Սիսիանից դեպի Գորիս ավտոճանապարհի եզրին
• Աղիտուի քարանձավ, գ․ Աղիտու

• Թանահատի վանք (Սուրբ Ստեփանոս եկեղեցի). Թվագրվում է 4-5-րդ դարերով:
• Սիսիանի սբ Գրիգոր Լուսավորիչ եկեղեցի (Սյունի վանք, Սիսավանի եկեղեցի), 6-7-րդ դարեր:
• Որոտնավանք. հիշատակվում է 4-րդ դարից, զարգացում է ապրել 10-11-րդ դարերում:
• Որոտնաբերդ. Հիշատակվում է 5-րդ դարից, եղել է կարևոր պաշտպանական կառույց:
• Աղիտուի հուշակոթող. 6-7-րդ դարեր:
• Սյունի բերդ. վաղ միջնադարյան ամրոց՝ Որոտան գետի ձախ ափին:
• Վասակաբերդ (13-րդ դար), գ․ Հացավան
• Մելիք Թանգու կամուրջ (19-րդ դար), գ․ Որոտան
• Արզումանի կամուրջ (17-րդ դար), գ․ Դարպաս
• Շաղատի ձիթհան (19-րդ դար)
• Տոլորսի ջրասույզ սբ Հռիփսիմե եկեղեցի
• սբ Գևորգ եկեղեցի, (17-րդ դար), գ․ Լոր
• Լորիկ իշխանի մահարձան, գ․ Լոր
• Անգեղակոթի գերեզմանատուն
• սբ Ստեփանոս եկեղեցի, գ․ Անգեղակոթ
• Աղջկա արձան, Սիսիան
• 40 աղբյուր հուշարձան, Սիսիան

• Սիսիանի պատմության թանգարան. Զբոսաշրջիկների մշտական այցելավայրերից է՝ տարածաշրջանի հարուստ պատմությունը ներկայացնելու համար:
• Հայաստանի պետական պատկերասրահի Սիսիանի մասնաճյուղ
• Համո Սահյանի տուն-թանգարան, գ․ Լոր
• Արտաշես Հովսեփյանի և Զաքար Խաչատրյանի տուն-թանգարան

• Որոտան գետի ավազան. տարածաշրջանի բոլոր գետերը պատկանում են Որոտան գետի ավազանին (Որոտան, Այրիգետ, Շաքի, Լորագետ և այլն):
• Շաքիի ջրվեժ. Հայաստանի ամենագեղեցիկ բնական հուշարձաններից է և զբոսաշրջային կարևոր վայր:
• Ջրամբարներ. Սպանդարյանի, Անգեղակոթի, Շամբի և Տոլորսի ջրամբարները, որոնք նաև հիդրոէներգետիկ համակարգի (Որոտանի ՀԷԿ համալիր) մաս են կազմում:
• Հանքային ջրեր. Սիսիանը հարուստ է տաք հանքային աղբյուրներով։ Այս աղբյուրները ժողովուրդն անվանել է «թթու ջուր» կամ «կծու ջուր»: Որոտան գյուղում կա մոտ 40C ջերմությամբ հանքային աղբյուր:

Տարածաշրջանում առկա են պղինձ-մոլիբդենային և ոսկի-բազմամետաղային հանքավայրեր ու հանքերևակումներ, ինչպես նաև ոչ մետաղական հանքեր:

Լծենի և Արևիսի անտառներն ու ընդհանուր տարածքը հարուստ է կենդանական աշխարհով: Կենդանիներից հանդիպում են արջ, գայլ, աղվես, նապաստակ, վայրի այծեր, խոզեր, լուսաններ և կզաքիսներ: Գետերն ու լճերը հարուստ են ձկներով:

Սիսիանի գոգավորությունն ունի լեռնային ռելիեֆ, որը ձևավորում է հատուկ կլիմայական պայմաններ, որտեղ տեղումները համեմատաբար քիչ են, բայց առկա է բարենպաստ միջավայր գյուղատնտեսության որոշ ճյուղերի զարգացման համար: