Քարտեզագրում և Տվյալների Բազայի Ստեղծում:

• Ավարտվել է Սյունիքի մարզի զբոսաշրջային ռեսուրսների (բնական, պատմամշակութային) և ծառայություններ մատուցողների (գիշերակաց, սննդի օբյեկտներ, գիդեր, փորձառություններ) ամբողջական քարտեզագրումը։
• Ստեղծվել է համապարփակ տվյալների բազա, որի նկարագրությունները թարգմանվել են անգլերեն՝ միջազգային այցելուների համար մատչելիությունն ապահովելու նպատակով։
• Քարտեզագրվել են նաև այն տուր-օպերատորները, որոնք Սյունիքը ներառում են իրենց ծրագրերում:
• Իրականացվել են զբոսաշրջային ոլորտի շահագրգիռ կողմերի, զբոսաշրջիկների և մարզի զբոսաշրջային կարիքների գնահատումներ։

Թվային Ներկայություն և Մարքեթինգային Նյութեր:

• Մարզի զբոսաշրջությունը ներկայացնող www.visitsyunik.am վեբ կայքը մշտապես վարվում և թարմացվում է՝ հավաքագրված նյութերով, ռեսուրսներով և ծառայություններով, ինչը այցելուներին թույլ է տալիս մեկ տեղից ստանալ անհրաժեշտ ինֆորմացիան։
• Սյունիքի մարզի զբոսաշրջության առաջխաղացմանը միտված 2 սոցիալական հարթակներում (Facebook, Instagram) ակտիվորեն վարվում են էջեր՝ մշակված ինֆորմացիայի տեղադրմամբ և խոշոր ինֆլուենսերների հետ համագործակցությամբ։
• Մշակվել և տպագրվել են մարքեթինգային նյութեր՝ Գորիսի քարտեզ (300 օրինակ), Սյունիքի զբոսաշրջային վայրերը ներկայացնող բացիկներ (400 օրինակ) և զբոսաշրջային տեղեկատվական գրքույկ (200 օրինակ)։
  Ստեղծվել է մարզի գրավչությունը ներկայացնող տեսահոլովակ, որը ցուցադրվել և տարածվել է սոցիալական հարթակներում՝ բարձրացնելով Սյունիքի ճանաչելիությունը:

Զբոսաշրջային Ապրանքների Մշակում և Նորարարություն:

• Միջռեգիոնալ համագործակցության շրջանակներում մշակվել և ստեղծվել են 3 թեմատիկ զբոսաշրջային փաթեթներ՝ Գաստրո, Արկածային և Քայլարշավային։
• Մշակվել է Սյունիքի մարզի 2 նոր զբոսաշրջային պրոդուկտ, այդ թվում՝ արկածային զբոսաշրջային փաթեթներ և «Արհեստների տուն» փորձառություն՝ մարզում հայտնի արհեստների ցուցադրության համար։
• Կազմակերպվել են քայլքուղիների փաթեթների մշակման դասընթացներ AFRAT ֆրանսիական կազմակերպության և CEPFA հիմնադրամի հետ։ Իրականացվել են արշավներ դեպի Հին Հարժիս և Ալան թագավորի պալատի ավերակներ, Որոտան գետ և Հին Հարժիսի կամուրջ։

Համագործակցություններ և Կարողությունների Զարգացում:

• Ավստրիական Զարգացման Բանկի հետ համագործակցությամբ կազմակերպվել են խոհարարական դասընթացներ 20 անձի համար Մեղրիում, Կապանում և Գորիսում, որոնք հիասքանչ արդյունքներ են տվել՝ բարձրացնելով հյուրընկալության ոլորտի որակը։
• PUM Նիդեռլանդական կազմակերպության հետ երկու անգամ կազմակերպվել են հացթխելու դասընթացներ, որոնցից հետո ավելի քան 10 Արցախից տեղահանված կանայք անցել են աշխատանքի՝ նպաստելով նրանց ինտեգրմանը և զբաղվածությանը։
• Ֆրանսիական Afrat լեռնարշավային կազմակերպության հետ համագործակցությունը շարունակվում է։ Մասնակցել ենք Afrat-ի կազմակերպած քայլարշավային փառատոններին, իսկ այս տարի պատրաստվում ենք հյուրընկալել փառատոնը Գորիսում։ Դրամաշնորհի շրջանակներում նախատեսվում է արշավային սարքավորումների ձեռքբերում, որոնք կներառվեն Visitsyunik.am կայքի «Խանութ» բաժնում՝ ուղիղ վաճառքի կամ վարձակալության համար։
• Ստեղծվել է մշտական արշավական ակումբ՝ ավելի քան 30 ակտիվ մասնակիցներով, ինչը խթանում է ակտիվ զբոսաշրջությունը մարզում։
• Կազմակերպվում են եռամսյակային բիզնես հանդիպումներ մարզի զբոսաշրջության բիզնես ոլորտի շահագրգիռ կողմերի հետ, որոնց ընթացքում քննարկվում են ոլորտի հիմնական մարտահրավերները, լուծման եղանակները, նորությունները, պրոդուկտները և միջազգային տենդենցները։

Մշակութային և Միջազգային Գործունեություն:

• Աջակցություն է ցուցաբերվել հայ-իրանական «Համագործակցության մետաքսե գորգ» փառատոնի կազմակերպմանը, կազմակերպվել է գիշերակաց երաժիշտների համար և բեմադրվել է «Կյուրոս և Տիգրան» ներկայացումը։
• Ակսել Բակունցի տուն-թանգարանում ստեղծվել է տուրիստահաճո միջավայր. Բակունցի և նրա մոր նկարի վրա ներդրվել է «Արլուպա» ծրագիրը, որտեղ Բակունցը պատմում է իր մասին։ Ստեղծվել է երկլեզու բրոշյուր, որը ներկայացնում է թանգարանի պատմությունը և Գորիսի այլ տեսարժան վայրեր։
• Ապակենտրոնացված կառավարման այցի շրջանակում Syunik DMO-ի թիմով այց է կատարվել Վիեննա՝ միջազգային փորձի փոխանակման և համագործակցության հնարավորությունների ուսումնասիրման նպատակով։

Շարունակական Քարտեզագրում և Թվային Ռազմավարություն:

• Տարածաշրջանի զբոսաշրջային ռեսուրսների և ծառայություններ մատուցողների համակարգման շարունակում՝ ամբողջական տվյալների բազա ստեղծելու համար։
• Սոցիալական մեդիայի էջերի ակտիվ կառավարում և www.visitsyunik.am կայքի կանոնավոր թարմացում արդիական բովանդակությամբ։
• Շարունակական զբոսաշրջիկների բավարարվածության հարցումներ՝ ծառայությունների շարունակական բարելավման համար։

Զբոսաշրջային Ապրանքների Մշակում և Մեդիա Արտադրություն:

• Առնվազն 2 նոր զբոսաշրջային ապրանքի և 2 նոր ուղղության ստեղծում՝ առաջարկների բազմազանեցման համար։
• Մարքեթինգային նյութերի (տեսանյութեր, լուսանկարներ) մշակում՝ տարածաշրջանի արդյունավետ առաջխաղացման համար։

Ճանաչողական Այցեր:

Տուրօպերատորների համար ճանաչողական այցերի կազմակերպում դեպի Սյունիքի մարզ՝ տեսանելիությունը բարձրացնելու նպատակով։ Այդ շրջանակներում նախատեսվում է «Սյունիքի խորքերը» տեղեկատվական-ճանաչողական այց (04-05.11.2025 թ.), որի ընթացքում մասնակիցները կծանոթանան Սյունիքի զբոսաշրջային ներուժին, ավանդական արհեստներին, գաստրոնոմիային և բնությանը: Այցը ներառում է լավաշի և խեցեգործության վարպետության դասեր, մրգային գինիների և թթի համտես, բնական կոսմետիկայի պատրաստում, ազգային պարերի վարպետության դաս, հյուրանոցային բազայի զննում, պանրի համտես «Էլոլա» ընկերությունում, թեյի արարողություն Թեյի քարանձավում, Հին Հարժիսի այցելություն և ջիպ շրջագայություն:

Թվային Փոխակերպում. R2D Syunik դրամաշնորհ:

Նպատակն է ստեղծել համապարփակ թվային էկոհամակարգ՝ տարածաշրջանում զբոսաշրջությունը խթանելու և տեղական բիզնեսներին թվային հնարավորություններ տրամադրելու համար։ Այն ներառում է՝

1. «Syunik Trip Plans» բջջային հավելված: Զբոսաշրջային ծառայությունների ուսումնասիրման, պլանավորման և ամրագրման համար՝ ինտուիտիվ ինտերֆեյսով և անհատականացված առաջարկներով։
2. Անվտանգ բազմարժութային վճարային համակարգ: Թափանցիկ և արդյունավետ առցանց գործարքներ՝ միջազգային և տեղական վճարման եղանակների (Հայկական բանկեր, Visa, MasterCard, ArCa, Apple Pay, Google Pay, IDram) աջակցությամբ, ինչպես նաև AMD/USD/EUR արժույթներով։ Անվտանգությունը կապահովվի PCI DSS համապատասխանությամբ, 3D Secure-ով և խարդախության հայտնաբերմամբ։
3. Visitsyunik.am կայքի ընդլայնում: Տվյալների վրա հիմնված ինտերակտիվ վեբ հարթակ՝ բարելավված օգտատիրոջ փորձով և բազմալեզու աջակցությամբ։ Այն կդառնա կենտրոնական հանգույց՝ տեսարժան վայրերի ուղեցույցով, ինտերակտիվ քարտեզով, իրադարձությունների օրացույցով, ճանապարհորդության պլանավորման գործիքով և բլոգով։
Ակնկալվում է տեղական բիզնեսի եկամուտների 40% աճ, Սյունիքի դիրքերի 2x ամրապնդումը համաշխարհային շուկայում և զբոսաշրջիկների 24/7 սպասարկում։

Մտքեր և Մտահաղացումներ՝ հիմնված Syunik DMO ռազմավարությանը և տեսլականներին:

• Հյուրընկալության Ոլորտի Աշխատաշուկա: Հյուրընկալության ոլորտի աշխատաշուկայի զարգացում և վերապատրաստում՝ կադրերի պակասի (վաճառքի մենեջերներ, SMM մասնագետներ, խոհարարներ, գիդ-թարգմանիչներ) լուծման, որակի ապահովման, միջազգային փորձի ներգրավման և նեղ մասնագիտացված դասընթացների կազմակերպման միջոցով։
• Գյուղական Բնակավայրերի Զարգացում: Քարանձավային հին գյուղերի (Խնձորեսկ, Հալիձոր, Շինուհայր) զարգացում՝ որպես զբոսաշրջային կենտրոններ՝ առաջարկելով քարանձավային գիշերակաց, գաստրո-փորձառություններ, տեղական ուղեկցորդների ցանցի զարգացում, արշավներ և ձիարշավներ։
• Փորձագետների Ներգրավում: Փորձագետների ներգրավում՝ զբոսաշրջային ուղղությունների վեր հանման (Գորիսի և հարակից բնակավայրերի եզակի բնության և մշակույթի խորքային ուսումնասիրություն), զբոսաշրջային երթուղիների (գաստրո, արշավներ, քարանձավային տուրեր) նախագծման և մարքեթինգային ռազմավարության մշակման համար։
• Ակտիվ Զբոսաշրջային Փորձառություններ: Քայլարշավային և արշավային ուղիներ (Գորիս-Խնձորեսկ-Շինուհայր, Ալան թագավորի պալատ), ձիարշավներ (Գորիս-Բարձրավան, Շինուհայր-Խոտ քարանձավներ), սպորտային և արկածային զբոսաշրջություն (պարագլայդինգ, լեռնային հեծանվավարություն), գաստրո-փորձառություններ և մշակութային միջոցառումներ, գյուղական զբոսաշրջություն։
• SYUNIK DMO Մարքեթինգ և Ստեղծված Պրոդուկտների Խթանում: Տեղական և միջազգային շուկաների տարանջատում, սոցիալական մեդիայի ակտիվ օգտագործում, բրենդավորման ռազմավարություն, շահագրգիռ կողմերի ներգրավում և էլեկտրոնային մարքեթինգի կիրառում։
• ՍՅՈՒՆԻՔԻ ՏԱՐԱԾԱՇՐՋԱՆԻ ԶԲՈՍԱՇՐՋՈՒԹՅԱՆ ԿԱՌԱՎԱՐՄԱՆ ԳՐԱՍԵՆՅԱԿԻ ԻՆՔՆԱՖԻՆԱՆՍԱՎՈՐՈՒՄ: Կայունության ապահովում հուշանվերների արտադրության միջոցով (մշակութային, պատմական, գաստրոնոմիական, էկո-հուշանվերներ)՝ վաճառք տեղական կետերում և օնլայն հարթակներում, համագործակցություն տուր օպերատորների հետ։
• Փառատոների Կազմակերպում: Էկո-տուրիզմի և բնական ժառանգության, գաստրոնոմիական և մշակութային, արկածային զբոսաշրջության փառատոների կազմակերպում՝ մարզի մշակութային, պատմական, գաստրոնոմիական, էկո-տուրիզմի և արկածային պրոդուկտները ներկայացնելու համար։